الإنسانية

الإنسانية

الارتقاء الى المستوى الإنساني


  • إرسال موضوع جديد
  • إرسال مساهمة في موضوع

سيزرعوا في جسم الخنزير اي جهاز انت محتاجه ومن خلاياك انت شخصيا

شاطر
avatar
أبو عماد
Admin

عدد المساهمات : 557
تاريخ التسجيل : 20/11/2012
العمر : 63
الموقع : damas

سيزرعوا في جسم الخنزير اي جهاز انت محتاجه ومن خلاياك انت شخصيا

مُساهمة  أبو عماد في الخميس 20 فبراير 2014 - 23:56


العلماء في كوكب اليابان اتوصلوا انهم يقدروا يزرعوا في جسم الخنزير اي جهاز انت محتاجه ومن خلاياك انت شخصيا وبعدين يزرعوه فيك...اه وربنا !!! طب ازاي قدروا يعملوا كده..كلمة السر تكمن بقي في الخلايا الجذعية Stem Cells
ايه هي الخلية الجذعية دي ??
هي عبارة عن خلية ليها القدرة علي الانقسام وبتدينا انواع جديدة من الخلايا (اكتر من 200 نوع ) زي خلايا الدم البيضاء والحمراء وكده ومن وظائفها اصلاح وتعويض الخلايا التالفة باستمرار
انواعها بقي :
1.خلايا جذعية جنينية : (embryonic stem cells)
دي بتبقي في بويضات ملقحة عمرها من 5 ل 6 ايام
2.الخلايا الجذعية البالغة : (adult stem cells)
بتبقي في جسم الانسان في نخاع العظام والعضلات والمخ لاصلاح التلفيات البسيطة الناتجة من الاصابات المختلفة وقدرتها علي التجديد محدودة ونسبة وجودها قليلة
3.خلايا جذعية من الحبل السري :
دي بتبقي في الدم المتبقي في حبل السرة بعد الولادة ويتم الاحتفاظ بيها عشان لو احتاجوها بعدين وعشان هي خلية بدائية المنشأ فهي افضل من النوعين اللي فوق
- عشان تفهموا الموضوع بقي كويس فانا هاشرح اللي قلته فوق ده بشكل احسن
-احنا اتولدنا عن طريق تلقيح نطفة لبويضة ومنها اتكونت خلية جذعية واحدة (النوع الاول) الخلية دي قدرت تعمل انسجة مختلفة واجهزة مختلفة وبني ادم كامل
-الخلية دي زي ما قلت فوق قابلة للانقسام فبقت خليتين وال 2 بقوا اربعة وهكذا..والواحدة منهم بتتطور وبتبقي خلية معينة خلية قلب او كلي او اي حاجة
-المهم العلماء اكتشفوا ان لو خدوا خلية واحدة من الخلايا اللي ناتجة اللي لسه متطورتش ولسه خلايا جذعية فيقدروا يعملوا من جديد جهاز كامل وبني ادم كامل او حيوان كامل
-وفي الانسان البالغ عدد الخلايا الجذعية بيكون قليل جدا عن الخلايا الجديدة
-هقول بقي شوية امثلة علي كيفية عمل الخلايا الجذعية :
احنا عندنا الخلايا الدموية (كرات الدم الحمراء) عمرها تقريبا 120 يوم طب بتيجي منين ?? الخلية دي اصلا بتيجي من خلايا جذعية وظيفتها انها تنقسم وتدي خلايا جديدة الخلايا دي بتتطور وبتدينا خلايا الدم الحمراء والبيضاء عشان الخلية الجذعية ليها قدرة كبير علي التشكل و تصنيع خلايا جديدة زي ما قلت قبل كده
مثال تاني الرحم : الست اما بتيجي تولد الرحم بيكون عايز يكبر عشان يدي مساحة للجنين وقتها فيه خلايا جذعية محفوطة مش بتشتغل غير وقت الحاجة الخلايا دي بتبتدي تشتغل وتكتر وبتوسع الرحم
مثال كمان : العدائين قلبهم بيبقي اكبر من الناس العادية طب ليه ?! عشان الجسم بحاجة ان يكبر القلب عشان يضخ الدم فالقلب بيكبر بفضل الخلايا الجديدة اللي حفزناها عن طريق الجري واحتياج الجسم لضخ الدم بشكل اقوي
-طب نقدر نعمل ايه بالخلايا دي ??
في الاطفال المصابين باللوكيميا (سرطان الدم ) الاطباء بيحاولوا يقتلوا كل الخلايا اللي في جسم الانسان (الجذعية والدم ) ويروحوا يعملوا عملية اسمها زراعة النخاع العظمي (bone marrow transplant ) او زراعة خلايا جذعية ودي مش عملية جراحية دي بتبقي شبه نقل الدم كده
-بس احيانا فيه مشاكل بتحصل عند نقل الخلايا او الاعضاء اما بييجوا يزرعوا الاعضاء دي ساعات الجسم بيرفضها عشان فيه عندنا في الجسم جهاز مناعي بيولد شئ من انواع الرفض بيخلي الجسم يعرف ايه الجديد عليه وايه لأ لو جديد بيخاف منه وبيرفضه احيانا واه في خلايا جنينية بس دي بتواجه مشاكل عشان ياخدوا خلايا من جنين وكده
-العلماء بقي اكتشفوا طريقة يزرعوا فيها الاعضاء من غير ما الجسم يرفض العضو الجديد ازاي ?!
الباحثين في اليابان اكتشفوا طريقة يقدروا من اي خلية في جسمك سواء جذعية او غير جذعية يكونوا اعضاء ويزرعوهالك تاني!!..طب ازاي خلايا غير جذعية !! الخلايا المتطورة ملهاش قدرة علي الانقسام !!!! هما بقي لقوا طريقة وهي انهم بياخدوا اي خلية متطورة وليكن خلية جلدية مثلا ويزودوا عليها 4 بروتينات واما بيضفولها الاربع بروتينات بتتحول لخلية جذعية محفزة ويروحوا ياخدوها علي حيوان (الخنزير) بيقولوا انهم ممكن يعملوها علي الخرفان والماعز واي حيوان بس كل ده مش مثبت الخنزير بس هو اللي اثبتوه..المهم بقي العلماء بيروحوا للجنين الخنزير او الخلايا الابتدائية للخنزير بس بيكونوا معدلين علي الخنزير ده بحيث ميطلعلوش قلب مثلا او العضو اللي عايز ازرعه فيه وياخدوا الخلية الجذعية اللي جايبينها من الانسان ويحطوه فيها واما يكبر الخنزير بيقدروا ياخدوا القلب او العضو المقصود ويحطوه للانسان وقتها الانسان هيكون عنده عضو من خلاياه هو وبالتالي الجسم مش هيقدر يرفضه !! (الا تكبرون)
- هو كده يعتبر الموضوع خلص بس احب اقول علي العلماء اللي كان ليهم الفضل في الابحاث دي العالمان جون جوردون وشينيا ياماناكا واخدوا جائزة نوبل للعام 2012 عشان توصلهم لاعادة برمجة خلايا متخصصة لشخص راشد لتصبح خلايا جنينية قادرة انها تتحول لاي نسيج تاني
  • إرسال موضوع جديد
  • إرسال مساهمة في موضوع

الوقت/التاريخ الآن هو الثلاثاء 23 أكتوبر 2018 - 15:49